කෘත්‍රිම රසකාරක වර්ග ශරීරයට අහිතකරයි. ඇතැම් ඒවායේ පිළිකා කාරක තිබෙනවා. තවත් රසකාරක ශරීරගත වූ විට අපගේ අස්‌ථි දිරා යනවා. ගැස්‌ට්‍රයිටීස්‌ රෝගය ඇතිවෙනවා. කාන්තාවන්ගේ හෝමෝන ගැටලු මතු වී වඳ භාවයට පත්වෙනවා.
කෑම ටිකනම් හරිම රසයි... මෙච්චර රසට හදන්න කෑමවලට දැම්මේ මොනවාද?
මෙසේ විමසන විට බොහෝ දෙනාගේ මුවින් නිතැතින්ම කියෑවෙන්නේ රසකාරක යෑයි කියාය.
වර්තමානයේ අප බොහෝ දෙනා ආහාරපාන රස ගැන්වීම සඳහා බහුලවම රසකාරක වර්ග භාවිතා කරති. ඒ නිසා රසට සුවඳට ඇති කෑම වේලක්‌ දුටුවිට අපට සිහිපත් වන්නේ රසකාරක වර්ගය.
රසකාරක වර්ග ලෙස වර්තමානයේ බොහෝ දෙනා භාවිතා කරනුයේ කෘත්‍රිමව සකස්‌ කළ ඒවාය, මේවා වස විස සහිත රසකාරක වර්ග බවට වෛද්‍ය පර්යේෂණ අනුව අනාවරණය වී ඇත.
වෛද්‍යතුමනි, කෘත්‍රිම රසකාරක වර්ග වලින් තොර ශරීරයට ගුණදායි රස කාරක වර්ග සාදාගත නොහැකිද?
එය ඉතාමත් හොඳ ප්‍රශ්නයකි. වර්තමානයේ බටහිරටත් නැති අපේ කමටත් නැති සංකර කාන්තාවන් සහ ඉවුම් පිහුම් කටයුතුවල යෙදෙන පිරිමින් ආහාර පානවල රසය ඇති කිරීම සඳහා බටහිර රටවල නිෂ්පාදනය කරන කෘත්‍රිම රසකාරක වර්ග භාවිතා කරනවා.
මෙම රසකාරක වර්ග ශරීරයට අහිතකරයි. ඇතැම් ඒවායේ පිළිකා කාරක තිබෙනවා. තවත් රසකාරක ශරීරගත වූ විට අපගේ අස්‌ථි දිරා යනවා. ගැස්‌ට්‍රයිටීස්‌ රෝගය ඇතිවෙනවා. කාන්තාවන්ගේ හෝමෝන ගැටලු මතු වී වඳ භාවයට පත්වෙනවා.
වසර දෙදහසකට අධික කාලයක්‌ තිස්‌සේ අප වැනි ආසියානු රටවල ජනතාව කටට රහට පමණක්‌ නොව ඇඟට ගුණදායී රසකාරක වර්ග යොදා ආහාර සකස්‌ කළා. මෙම රසකාරක වර්ග වස විසවලින් තොරයි.
වස විස නැති රස කාරක සාදා ගන්නා අයුරු,
කුරුඳු පොතු, එනසාල්, කරාබු නැටි, වලඟසාල්, තිප්පිලි, අබ, උලුහාල්, කොත්තමල්ලි, සූදුරු, මහදුරු, අමුක්‌කරා පිටි, අව්වේ වේලාගත් ලුණුවිල පිටි තම්බා දිය හැරගත් අරලියමල් තම්බා දිය හැරගත් සේපාලිකා මල්, අව්වේ වේලාගත් වදමල්, කඩල පිටි, කොල්ලුපිටි, උඳුපිටි, කුරක්‌කන් පිටි, මුං ඇට පිටි මේ සියල්ල හෝ ඉන් පහකට වැඩි ප්‍රමාණයක්‌ සමව ගෙන හොඳින් කොටා ගන්න.
ඊට වියළි ගම්මිරිස්‌ කුඩු තේ හැඳි 05 ක්‌ පිටිකරගත් කිතුල්හකුරු මේස හැඳි 05 ක්‌ මිශ්‍රකර හොඳින් කලවම් කර ගන්න.
අවශ්‍යනම් දූරියන් ඇට පිටි තේ හැඳි 05 ක්‌ සහ රතු බතල පිටි තේ හැඳි 05 ක්‌ ද මිශ්‍ර කර ගත හැකිය.
මෙලෙස සාදාගත් ආහාර රස කාරකය එදිනෙදා පිසගනු ලබන ඕනෑම වෑංජනයක්‌ සඳහා යොදාගත හැකිය.
රසකාරක කල් තබා ගැනීම
ඉහත වට්‌ටෝරුවට අනුව සාදාගත් වස විස නැති රසකාරකය මැටි භාජනයක හෝ වීදුරු බෝතලයක දමා සතියක්‌ පමණ භාවිතයට ගත හැකිය.
මෙම රසකාරක නරක්‌ නොවී තබා ගැනීමට එය බහා ඇති භාජනය තුළට අබ මේස හැඳි දෙකක්‌ හෝ වියළි ගම්මිරස්‌ මේස හැඳි දෙකක්‌ හෝ කොහොඹ ඇට මේස හැඳි දෙකක්‌ පිරිසිදු සුදු රෙදි කඩකින් ඔතා දැමීම තුළින් පිළිවන.
මේ පිළිබඳව වැඩිදුර තොරතුරු දැනගැනීමට දුරකථන අංක 0776500677 මගින් වෛද්‍යතුමන් ඇමැතිය හැකිය.
0 Comments