යම් ජන්ම පත්‍රයක වැඩිම අංශක ප්‍රමාණයක්‌ යම් රාශියක ගමන් ඇති ග්‍රහයා රවි නම් එම පුද්ගලයා රජයේ නිල තල දරනවා සේම රජයේ සම්මානයට පාත්‍ර වන පුද්ගලයෙකි.
මෙසේ අධිග්‍රහයා සඳු නම් මහා ධනවත් විශාල නිවාස සහ සැප වාහන ඇති උගතෙකි.
කුජ අධි ග්‍රහයා වූ විටදී යුද භටයෙක්‌ හෝ සේනාධිපතියෙක්‌ හෙවත් ආරක්‍ෂක අංශයේ රැකියාවක්‌ කරයි. නැතිනම් කෘෂිකර්මාන්තයේ හෝ කාර්මික අංශයේ රැකියා කරන අය වෙති.
බුධ අධිකයා වූ විට කලා ශිල්ප කැටයම් කලාව හා සූක්‍ෂම දේවල් කිරීමේ හැකියාව ද ඇති අතර ඔරලෝසු අලුත්වැඩියාව, නීති වෘත්තිය රෙදි පිළි වර්ග වෙළෙ¹ම සහ මැටි භාණ්‌ඩ කර්මාන්තයට දක්‍ෂ අය වෙති.
ගුරු අධි ග්‍රහයා වූ විට ජ්‍යෙdතිෂය වැනි ගණිත කටයුතු නැතිනම් ආචාර්ය මහාචාර්ය වැනි තනතුරු දරන අයෙක්‌ වනු ඇත.
රාහු කේතු අධිකය වූ විටදී මත්පැන් හෝ මත්ද්‍රව්‍ය නිෂ්පාදනය කරන හෝ විකිණීම කරන අය වන අතර වෙඩි බෙහෙත් රසායනික ද්‍රව්‍ය වැනි දේ සම්බන්ධ රැකියාවන්වලද නිරත වීමට පුළුවන.
ශනි අධිකයා වූ විටදී සෑම වෘත්තියක්‌ම නියෝජනය කරන අයෙක්‌ වනු ඇත.
අධිකයා ගෙන් තවත් බොහෝ කරුණු පැවසීමට පුළුවන. එනම් ලග්නාධිපති ඉහත ආකාරයේ අධිකයා වීමෙන් ජන්මහිමියා ඉහළට දියුණු වනු ඇත.
මේෂ සහ වෘශ්චික ලග්න හිමියාගේ ලග්නාධිපති කුජ බැවින් කුජ අධිකයා වූ විටදී ඉහත ජන්මියා හැඩි දැඩි සිරුරක්‌ ඇති හිසෙහි තරමක්‌ තට්‌ටය හෙවත් නළල වැඩි පුද්ගලයෙකි. මොවුන් දක්‍ෂ ක්‍රීඩකයන් වන අතර කාර්මික ක්‍ෂේත්‍රයේ හෝ ආරක්‍ෂක අංශවල රැකියා කරන අය විය හැකිය.
වෘෂභ සහ තුලා යන ලග්න හිමියන් ගේ ලග්නාධිපති ශුක්‍ර වන නිසා ඔවුන්ගේ ශුක්‍ර අධි ග්‍රහයා වූ විටදී පැහැපත් සිරුරක්‌ හිමි කෙස්‌ බොකුටු අයෙකි. තවද මේ අය නැටුම් ගැයුම් සහ චිත්‍ර ශිල්පය හදාරන අතර ස්‌ත්‍රී ඇඳුම් ආයිත්තම් වැනි දේ විකුණන හෝ නිෂ්පාදනයට සම්බන්ධ අය වෙති.
මිථුන සහ කන්‍යා ලග්න දෙක හිමි බුද ග්‍රහයාට මෙහිදී බුද ආත්ම කාරක ග්‍රහයා වූ විටදී කෙළිලොල් පුද්ගලයෙක්‌ මෙන්ම පැහැපත් සිරරක්‌ හිමි විකට බස්‌ බිනීමෙහි දක්‍ෂ නිතර සිනහ මුහුනෙන් සිටින ප්‍රසන්න පෙනුමක්‌ ඇති අයකුවේ.
කටකය අධිග්‍රහයා චන්ද්‍රයා වූ විටදී ජන්මියා පැහැපත් සිරරක්‌ හිමි ඝන තද කළු කෙස්‌ ඇති තැන්පත් පුද්ගලයෙක්‌ වේ. එසේම සංචාරක කටයුතුවලට වඩාත් ප්‍රිය අයෙකි.
සිංහ ලග්නය වී රවි අධිග්‍රහයා වූ විටදී ජන්ම හිමියා උසේ තරමට මහත ඇති තරමක්‌ අවපැහැ ඇති තේජස්‌ පුද්ගලයෙක්‌වේ.
ධනු මීන ලග්න දෙකෙන් උපන් අයගේ ලග්නාධිපති වන ගුරු අධිකයා වූ විටදී උසේ තරමට මහත පැහැපත් සිරුරක්‌ හිමි ගැලපෙන්නට ඇඳුම් පැළඳුම් අඳින පුද්ගලයෙක්‌ ගුරුවරුන් මහාචාර්යවරුන් වැනි පුද්ගලයන් උපදේශක සේවාවන්ද පවත්වාගෙන යන අය වෙති.
තවද ඉහත ග්‍රහයන් සිටින රාශිය අනුවද මේ වායේ කරුණු වෙනස්‌වනු ඇත.
ලක්‌මිණි විදාන ආරච්චි
