සාමාන්යයෙන් රයිනෝසිරස්ගේ ශරීරයේ දිග මීටර් 2-3 පමණ ද, උරහිස් මට්ටමේදී උස මීටර් 1-1.5 පමණ ද, බර කි.ග්රෑ.600-950 පමණ ද වන බව සඳහන් වේ.මේ සුමාත්රා කඟවේනාගේ විශේෂත්වය වන්නේ, ඔවුන්ගේ ඝන සමේ ලෝම දක්නට ලැබිමයි. දැනට වඳවී ගොස් ඇති, ලෝම කඟවේනුන්ගේ, අවසන් සත්ව ශේෂය ලෙස, මේ සුමාත්රානු කඟවේනුන් හඳුනා ගෙන ඇත. වර්තමානයේ, අප්රිකානු, ඉන්දියානු මහද්වීපවල දක්නට ලැබෙන කඟවේනුන්ගේ ශරීරයේ ලෝම දක්නට නැත. සුමාත්රා කඟවේනුන් මිනිසාට ළඟාවිය නොහැකි තරම් වන ඝන වනාන්තර තුළට වී හුදෙකලාව ආරක්ෂිතව සිටීමට පුරුදුව සිටියි. මේ කඟවේනුන්ගේ එකම සතුරා මිනිසාය. ඔවුන්ගේ ජීවිතයට තර්ජන කිරීමට කිසිදු වන සිවුපාවෙකු නැත.
මෙම සතුන්ගේ අඟ ඖෂධීය ගුණයකින් යුක්තය. සම්ප්රදායික ශාරීරික උත්තේජක ඖෂධ වර්ග සෑදීමට මේ සතුන්ගේ අඟ කුඩු කොට පාවිච්චියට ගනියි. චීනයෙන් මේ සඳහා විශාල ඉල්ලුමක් තිබෙන බව වාර්තා වෙයි. ඉතාම ඉහළ මිලක් ද එයට ලැබෙයි. මොවුන්ගේ අඟට ලැබෙන ඉහළ වාණිජ්යය වටිනාකම රයිනෝසිරස්ලා මෙලොවින් වඳ වී යෑමට හේතු වී ඇති එක් සාධකයකි.
කඟවේනුන්ගේ වන පරිසර විනාශ කිරීමත්, නීති විරෝධී දඩයමත් තවත් සාධක වෙයි. ඔවුන් අල්ලා අඟ පමණක් කපා ගන්නා ක්රමවේද පාවිච්චි කරන දඩයම්කරුවෝද සිටිති. අඩඪදධ පධබජබඪධද උදඪබ වැනි සංවිධාන මේ සතා ආරක්ෂා කරගැනීමට කටයුතු කරයි. එහෙත් එම කාර්යය පහසු නැත.
කේ. ඩබ්ලිව්. චන්ද්රරත්න
ලක්බිම පුවත්පත
